In nomine Patris, et Filii, et Spiritus Sancti.

R. Amen.

Sub tuum praesidium confugimus, sancta Dei Genetrix; nostras

deprecationes ne despicias in necessitatibus nostris, sed a periculis

cunctis libera nos semper, Virgo gloriosa et benedicta.

R. Amen.

V. Ave Maria, gratia plena, Dominus tecum.

R. Genuisti qui te fecit, et in aeternum permanes virgo.

Memorare, o piisima Virgo Maria, non esse auditum a saeculo, quemquam ad

tua currentem praesidia, tua implorantem auxilia, tua petentem suffragia esse

derelicta. Nos tali animati confidentia ad te, Virgo Virginum, Mater,

currimus; ad te venimus; coram te gementes peccatores assistimus. Noli, Mater

Verbi, verba nostra despicere, sed audi propitia et exaudi.

R. Amen.

V. Benedicta tu in mulieribus.

R. Et benedictus fructus ventris tui.

O pura et immaculata, eadem benedicta Virgo, magni Filii tui universorum

Domini Mater inculpata, integra et sacrosanctissima, desperantium atque reorum

spes, te collaudamus. Tibi ut gratia plenissimae benedicimus, quae Christum

genuisti Deum et Hominem: omnes coram te prosternimur: omnes te invocamus

et auxilium tuum imploramus. R. Amen.

(Hic morare ad Beatam Mariam Virginem petendam)

V. O Maria, sine labe concepta,

R. Ora pro nobis qui ad te confugimus.

Oremus. Sancta Maria, succurre miseris; iuva pusillanimes; refove

flebiles; ora pro populo; interveni pro clero; intercede pro devoto femineo

sexu: sentiant omnes tuum iuvamen, quicumque celebrant tuam sanctam

commemorationem. Assiste parata votis poscentium et reporta nobis optatum

effectum. Sint tibi studia assidua orare pro populo Dei, quae meruisti,

benedicta, Redemptorem ferre mundi, qui vivit et regnat in saecula saeculorum.

R. Amen.